2011 წელი, ერთი აკვიატებული იდეა, რომელიც სრულად არის მორგებული ერთ ახალბედა მუსიკოსზე, რომელიც ცდილობს შექმნას სამყარო, სადაც ის შეძლებს თავისი მუსიკალური ოცნებების ასრულებას თანამოაზრეებთან ერთად. საწყისი წერტილი: სივრცე, მოწყობილობები და მათი გამოყენების უნარი. ოცნების შედეგად გაჩნდა CES-ის იდეა. შექმნის პროცესში წარმოდგენა არ გვქონდა თუ რა ფორმას მიიღებდა ან რამდენ ადამიანს შეუცვლიდა ცხოვრების კურსს.

​

ათი წლის შემდეგ, ჩვენ ვიმყოფებით ქალაქ თბილისის შუაგულში და ვართ  Fabrika -ს ნაწილი, რომელიც მოისაზრება თბილისის კულტურულ ცენტრად, ადგილი რომელიც აერთიანებს თავისუფალ ახალგაზრდობას და შემოქმედებითი ინდუსტრიების მამოძრავებელ ძალებს.

 

CES წარმოადგენს შემოქმედებით მედია სკოლას, რომელიც სპეციალიზირებულია მუსიკასა და დიზაინში, ის გთავაზობთ მრავალ ინოვაციურ, პრაქტიკულ, მოკლე და ხანგრძლივ სასწავლო პროგრამებს: მუსიკის წარმოება და ხმის ინჟინერია, DJ პრაქტიკა და შესრულება, მუსიკის თეორია და სიმღერის შექმნა, მოდულარული სინთეზატორი და კომპოზიცია, მუსიკალური ინდუსტრია და ჟურნალისტიკა, თამაშის მუსიკა და კოლაბორაციული მუსიკალური ალბომის შექმნა, გრაფიკული დიზაინი და ციფრული ხატვა, ფოტოგრაფია და მხატვრული სპექტრი, ყოველივე ზემოთქმული აკადემიური პროგრამა შექმნილია ჩვენი პროფესიონალი გუნდის წევრების მიერ, რომლებიც საქართველოში თავიანთი სფეროს აქტიური და წარმატებული ფიგურები არიან. ისინი ყოველწლიურად ანახლებენ მიდგომებს რათა ფეხდაფეხ მიჰყვნენ შემოქმედებითი ინდუსტრიების კვალს როგორც საქართველოში, ასევე გლობალურად და არ ზოგავენ შრომას, დააკმაყოფილონ ჩვენი სტუდენტების საჭიროებები. ჩვენ ხშირად გვიხსენიებენ როგორც პიონერ საგანმანათლებლო დაწესებულებას საქართველოში, რომელმაც თავის დროზე საფუძველი ჩაუყარა მომავალი პროფესიების განვითარებას. CES იყო პირველი პროფესიული სასწავლებელი, რომელმაც უარი თქვა „ლეგენდებზე“ დაფუძნებულ სასწავლო პროცესებზე და დანერგა ინოვაციური პრაქტიკული სასწავლო მეთოდი, ახალი ტექნოლოგიების გამოყენებით (hands on practice).  ეს არის პირველი ინსტიტუტი საქართველოში, რომელმაც პოპულარიზაცია მოახდინა და პრაქტიკაში დანერგა ინდუსტრიის სტანდარტული პროგრამული უზრუნველყოფა, როგორიცაა: ADOBE; Avid Pro-Tools; Ableton Live; Max MSP / Jitter და სხვა.

 

2017 წელს, CES-ში დაარსდა Modular Synth სასწავლო პროგრამა, რომელმაც ხელი შეუწყო საქართველოში მოდულარული სინთეზატორის (Modular Synth) კომუნის განვითარებას. 

 

2018 წელს, CES-ის ბაზაზე დაარსდა დამოუკიდებელი ქართული მუსიკალური გამომცემლობა  CES Records , რომელიც მიზნად ისახავს CES-ის კურსდამთავრებულთათვის (და არა მარტო) პლათფორმის შექმნას, რომელიც ხელს შეუწყობს მათ კარიერულ განვითარებას და პოპულარიზაციას გაუწევს საქართველოს საზღვრებს მიღმა. CES Records-ის არტისტების სიაშია: Nikakoi, ნატალია ბერიძე, ანუშკა ჩხეიძე, გოგი ძოძუაშვილი, ნათელა სვანიძე, Neor Warrior, sTia და სხვები ... 

​

2020 წელს, CES-ის " მუსიკალური ინდუსტრია და ჟურნალისტიკა ციფრულ ერაში " სტუდენტების ინიციატივით, საქართველოში მუსიკალური ინდუსტრიის განვითარების მოტივაციით, შეიქმნა დამოუკიდებელი ონლაინ საგამომცემლო პლატფორმა "Dancing On Architecture" .

​

ჩვენ ვზრუნავთ ადამიანთა თანასწორობაზე და ვაფასებთ ჩვენი კომუნის მრავალფეროვნებას.

 

CES-ის მთავარი მიზანია შემოქმედებითი სასწავლო პროცესი, რომელიც ადაპტირებულია ახალი ტექნოლოგიების გამოყენებაზე, თავისუფალი გარემო, ჩვენი სტუდენტების მოტივაცია, დასაქმება და კარიერული ხელშეწყობა, რისთვისაც ჩვენი გუნდის წევრები, რომლებიც თავიანთ სფეროებში წამყვანი ფიგურები გახლანან, არ იშურებენ ძალისხმევას გაუზიარონ მათი ცოდნა და გამოცდილება ჩვენს სტუდენტებს. ჩვენთვის ძალიან სასიხარულოა, რომ ჩვენი კურსდამთავრებულები უერთდებიან ჩვენს გუნდს.

​

ახლა ჩვენ დიდი სიამაყით ვიხსენებთ გასულ 10+ წელს და ვაცხადებთ, რომ მიუხედავად ჩვენი მზარდი მასშტაბისა, ჩვენი ოცნებები და იდეები უცვლელი რჩება.

​

ჩვენ მადლობელი ვართ თითოეული ჩვენი 4000 კურსდამთავრებული სტუდენტის CES-ის არჩევისთვის. 

​

ჩვენ გვჯერა, რომ განათლება და ჩვენი პროფესიისადმი დიდი სიყვარული არის თავისუფლება, რომელსაც ერთად მოვიპოვებთ.